aksaമകളെ നിനക്കായി ഒരുതുള്ളി മിഴിനീര് –
മാത്രമീ താതന്റെ കവിളിലൂടൊഴുകുന്നു.

അറിയില്ല നിന്നെയീ ഭൗതിക ജീവിത –
ത്തെരുവിലെന്നാലുമിന്നറിയുന്നു,
നിന്നാത്മ വിഹ്വലതയും,
നിന്നെരിയുന്ന നിൻ മനോവേദനയും –
അഭയമരുളാത്ത മാതാവിൻ സ്വാർത്ഥയും –
മൃഗമനമാർന്ന വേടന്റെ ക്രൂരതയും…

വൃഥാ മൊഴിയുന്ന മാനവക്കൂട്ടത്തിൽ
നിന്നോരുവനാണെങ്കിലുമെൻ കുഞ്ഞേ …
പറയട്ടെ ഒരു മാപ്പ്… നീ പൊറുക്കൂ.

*അകാലത്തില്‍ പൊളിഞ്ഞ “അക്സ” എന്ന കുഞ്ഞ് നക്ഷത്രത്തിന്‍റെ ഓര്‍മയില്‍ 😦  

Advertisements